Breska fyrirsætan Sienna Miller lætur ekki aldurinn stoppa sig þegar ástin er annars vegar. Miller er sögð vera byrjuð með fyrirsætunni Oli Green sem er aðeins 25 ára. Miller er 15 árum eldri en hún varð fertug í desember.
Miller sást yfirgefa Bresku kvikmyndaverðlaunahátíðina með Green á sunnudaginn að því fram kemur á vef Metro. Parið lét ansi vel að hvort öðru þegar þau yfirgáfu Royal Albert Hall í Lundúnum í bíl saman. Miller mætti hins vegar ein á rauða dregilinn í Gucci-kjól og með svarta hanska.
Parið hefur enn ekki staðfest sambandið en nokkrum dögum eftir að þau sáust yfirgefa verðlaunahátíðina saman sáust þau borða saman á veitingastaðnum Le Bilboquet í New York. Parið gat ekki slitið sig frá hvort öðru á meðan þau borðuðu að því fram kemur á vef Page Six.