Dune fékk flest en Coda valin best
Setja bókamerki
Kvikmyndin Dune hlaut alls sex verðlaun á Óskarsverðlaunahátíðinni sem fram fór í nótt. Kvikmyndin var þó ekki valin sú besta heldur var það kvikmyndin Coda sem hreppti þann titil. Power of the Dog sópaði til sín tilnefningum en hlaut að lokum bara ein verðlaun.
Dune vann fyrir kvikmyndatöku, klippingu, hljóð, framleiðsluhönnun, frumsamda kvikmyndatónlist og tæknibrellur en kvikmyndin var alls tilnefnd til tíu verðlauna.
Coda var óvæntur sigurvegari kvöldsins en fyrir utan að vera valin besta kvikmyndin hlaut hún verðlaun fyrir besta handrit byggt á fyrri verkum og leikarinn Troy Kotsur var valinn besti leikari í aukahlutverki. Var hann fyrsti heyrnaskerti karlmaðurinn til að vinna verðlaunin en mótleikkona hans Marlee Matlin hefur áður unnið Óskarsverðlaun en hún er líka heyrnalaus.
Leikstjórinn Jane Campion var valinn besti leikstjórinn en hún vann einu verðlaun The Power of the Dog.
Viðreisn í mikilli sókn
Fresta framkvæmdum við Landspítala
110 milljónir í stöðu prófessors
Unnu eftir kröfugerð sem lögð var fram í upphafi
Allt frá nokkrum tímum upp í viku í nýrri miðstöð
Óeðlilegt að sama gjald verði tekið óháð þyngd