Var beðinn um að yfirgefa hátíðina

Leikarinn Will Smith neitaði að yfirgefa Óskarsverðlaunahátíðina eftir að hafa slegið grínistann Chris Rock utanundir á verðlaunaafhendingunni.

Þetta kemur fram í yfirlýsingu sem talsmenn Akademíunnar gáfu út í dag.

Frétt af mbl.is

Íhuguðu alvarlega að henda Smith út

„Þótt Smith hafi verið beðinn um að yfirgefa hátíðina, og hann neitað því, viðurkennum við að við hefðum getað brugðist öðruvísi við ástandinu,“ segir í yfirlýsingunni.

Akademían segist hafa hafið agamál gegn Smith, sem var valinn besti leikarinn í aðalhlutverki á hátíðinni aðeins nokkrum mínútum eftir að hann sló Rock utan undir í beinni útsendingu.

Will Smith gæti verið bannað að mæta á komandi Óskarsverðlaunahátíðir fyrir athæfi hans. AFP

„Stjórnin hóf í dag agamál gegn Will Smith vegna brota á hegðunarreglum Akademíunnar, þar á meðal óviðeigandi líkamlegri snertingu, móðgandi eða ógnandi hegðun og fyrir að sverta orðspor Akademíunnar.

Herra Smith hefur minnst 15 daga til að tjá sig skriflega um málið áður en brot hans og möguleg viðurlög fara í atkvæðagreiðslu,“ segir í yfirlýsingunni.

„Á næsta stjórnarfundi þann 18. apríl getur Akademían gripið til hvers kyns agaviðurlaga, sem geta falið í sér tímabundna eða varanlega brottvísun eða önnur viðurlög sem leyfileg eru samkvæmt lögum og hegðunarreglum.“

• Blogga um frétt