Aðstandendur Razzie-skammarverðlaunanna hafa ákveðið að draga verðlaun síðasta árs til baka sem Bruce Willis hlaut fyrir frammistöðu sína í Cosmic Sin segir á vefsíðu  BBC.

„Verðlaunin“ voru veitt aðeins nokkrum dögum áður en fréttir bárust af veikindum Bruce Willis sem er að kljást við sjúkdóminn málstol.

Frétt af mbl.is

Bruce Willis hættur að leika vegna málstols

„Við komumst að þessari niðurstöðu eftir mikla íhugun. Ef veikindi viðkomandi hefur áhrif á frammistöðu er ekki við hæfi að veita Razzie-verðlaunin,“ segir í yfirlýsingu frá verðlaununum. 

Á Twitter síðu Razzie-verðlaunanna segir að aðstandendur verðlaunanna séu mjög leiðir yfir veikindum leikarans og bera fjölskyldunni samúðarkveðjur.

„Ennþá langsvalasti maður sem ég hef hitt“

Kveðjur hafa streymt inn til fjölskyldu Bruce Willis á Instagram vegna veikinda leikarans og kona hans, Emma Heming Willis sagðist vera mjög þakklát fyrir kveðjurnar og það skipti hana miklu máli að finna stuðninginn, samkenndina og bænirnar.

Matthew Perry, sem lék Chandler í sjónvarpsseríunni Vinum, skrifaði: „Mér þykir svo leitt að heyra hvað þú ert að ganga í gengum, en þú ert ennþá langsvalasti maður sem ég hef hitt. Þú verður í bænum mínum í langan, langan tíma.“

Shelley Duvall lék aðalhlutverkið á móti Jack Nicholson í The Shining, en Stanley Kubrick kom illa fram við leikkonuna við tökurnar. Stilla úr The Shining

Aðstandendur skammarverðlaunanna tilkynntu einnig að þeir drægu til baka verðlaun Shelly Duvall, sem lenti á listanum fyrir leik sinn í hryllingsmynd Stanley Kubrik, The Shining,  frá 1980. „Núna vitum við að frammistaða Duvall var lituð af slæmri meðferð Kubrick í gegnum allt tökuferlið. Við viljum nota tækifærið til að taka Razzie-verðlaunin frá Shelly Duvall.“

Tengdar fréttir

Stjörnufréttir

Sögð ófríð og léleg að leika – en samt kynþokkafull

• Arftaki Tom Cruise fundinn
• Ásakanirnar snerta ekki tónlistina
• Britney Spears leitar á glæný mið
• Dolfallinn yfir kynlífsdúkkum og pantaði sér eina

» Fleiri tengdar fréttir

• Blogga um frétt