U2 gefur út lag til stuðnings Úkraínu

Írska hljómsveitin U2 hefur gefið út lag til stuðnings Úkraínu.

Lagið heitir Walk on Ukraine og mætti þýða sem „Úkraína, áfram gakk“ og bæta þeir við myllumerkinu #standupforukraine, eða stöndum upp fyrir Úkraínu.

Í myndbandinu má sjá þá félaga Bono og Edge flytja lagið í svarthvítri mynd af mikilli innlifun.

Í textanum við myndbandið skrifa þeir um raunir Úkraínu vegna innrásar Rússa og setja meðal annars í samhengi fjölda flóttamanna frá Úkraínu sem samsvarar helmingi allra sem búa á Írlandi.

• Blogga um frétt