Snæbjörn Ragnarsson, tónlistarmaður og hlaðvarpsstjórnandi, vinnur nú að því að leggja lokahönd á síðasta þátt Snæbjörn talar við fólk. Þættirnir hafa átt góðu gengi að fagna undanfarin tvö ár en nú hefur Snæbjörn ákveðið að segja það gott eftir 100 þætti. 

Snæbjörn greindi frá þessu í færslu á samfélagsmiðlum þáttanna í dag. 

„Í dag legg ég lokahönd á lokaþátt STVF, þátt #0100. Kærar þakkir fyrir öll skilaboðin, ég reyni að svara þeim eins hratt og ég get,“ skrifar Snæbjörn. 

Hann segir enn fremur að þættirnir hafi verið eitt það skemmtilegasta og mest krefjandi sem hann hefur gert.  „Ég geng afar sáttur frá borði. Takk fyrir að hlusta,“ skrifar Snæbjörn. 

Snæbjörn og bróðir hans Baldur Ragnarssonar hafa framleitt Snæbjörn talar við fólk saman undir merkjum Hljóðkirkjunnar. Þeir bræður héldu einnig út þáttunum Besta platan ásamt Dr. Arnari Eggerti Thoroddsen, en Snæbjörn sagði skilið við þættina eftir að þeir höfðu fjallað um 100 plötur.

Auk þess að framleiða hlaðvarpsþætti hefur Snæbjörn verið í hljómsveitunum Skálmöld og Ljótu hálfvitunum. 

Tengdar fréttir

Snæbjörn talar við fólk

Auðunn hélt hann væri eitthvað heftur

• Líður stundum eins og hún þurfi að ostaskera sjálfa sig
• Væri eins og flugdreki ef hann hefði ekki kvænst
• Langar í kærasta sem á baðkar
• Helga Vala ætlar að læra húsasmíði

» Fleiri tengdar fréttir

• Blogga um frétt