Liz Sheridan látin

Leikkonan Liz Sheridan lést í gær á heimili sínu í New York í Bandaríkjunum, 93 ára að aldri. Umboðsmaður hennar Amanda Hendon hefur staðfest andlát hennar. New York Times greinir frá.

Sheridan er hvað þekktust fyrir leik sinn í Seinfeld þáttaröðunum þar sem hún var í hlutverki Helen Seinfeld sem var móðir aðalpersónunnar, Jerry.

Frétt af mbl.is

Estelle Harris látin

Sheridan, sem fæddist árið 1929, hóf feril sinn sem dansari á sjötta áratugnum en var þó komin á fullt í leiklistina á áttunda áratugnum. Kom hún meðal annars fram í sjö Broadway sýningum og í þáttunum Kojak. 

Seinna fór hún einnig með hlutverk í þáttunum Hill Street Blues og Remington Steele. Það var þó ekki fyrr en í maí árið 1990 sem hún kom fyrst fram í Seinfeld. Birtist persóna hennar reglulega í gegnum allar þáttaraðirnar þar til þeim lauk í sama mánuði árið 1998.

• Blogga um frétt