Céline Dion frestar vegna heilsu sinnar

Tónlistarkonan Céline Dion hefur enn á ný frestað tónleikaferðalagi sínu um Evrópu. Fyrst þurfti hún að fresta ferðalaginu vegna heimsfaraldursins en nú er það vegna heilsu hennar.

Tónleikaröðin átti að hefjast nú í maí, en nú er ekki ráðgert að hún hefjist fyrr en í febrúar 2023. Þá hefur söngdívan kanadíska einnig þurft að fella niður nokkra tónleika. 

Dion tilkynnti um breytingarnar í myndbandi á samfélagsmiðlum en gaf aðdáendum sínum líka innsýn inn í heilsu sína. Hún hefur verið að glíma við vöðvakrampa en er á bata vegi þó það gangi hægt. 

Hún baðst afsökunar á því að þurfa að fresta tónleikaferðalagi sínu en sagðist ekki vilja stíga á svið nema vera í toppstandi. 

• Blogga um frétt