Bilunin í hljóðkerfinu á sviðinu á dómararennslinu í gær kom Systrum úr jafnvægi. Þau segja bilunina hafa komið þeim mikið á óvart því allt hafi gengið vel á sviðinu á æfingum síðustu vikuna.

„Já þetta kom allavega mér úr jafnvægi,“ segir Sigríður Eyþórsdóttir í samtali við mbl.is og systkini hennar Elín, Elísabet og Eyþór sögðust vera sammála henni. Blaðamaður hitti systkinin á hótelinu þeirra rétt áður en þau lögðu af stað upp í höll til þess að fara á aukaæfingu vegna bilunarinnar.

Frétt af mbl.is

Systur fá aukaæfingu vegna bilunar í gær

Greint var frá því í gærkvöldi að bilun hafi átt sér stað í hljóðkerfinu þegar Ísland flutti lag sitt fyrir dómara. Bilunin var þó ekki greinanleg í streymi til dómaranna en kom þeim engu að síður úr jafnvægi.

Elín segir að voðinn sé vís þegar maður heyrir ekki í hinum á sviðinu. „Það er tvennt sem maður óttast mest í svona aðstæðum, annars vegar að maður syngi í rangri tóntegund, eða að maður detti úr takt,“ segir Elín. 

Systkinin segjast öll hafa orðið aðeins óöruggari á sviðinu en að þau séu samt mjög örugg fyrir æfingar dagsins og keppnina í kvöld. „Þegar maður heyrir illa í sjálfum sér þá verður maður ósjálfrátt aðeins hræddur,“ segir Sigga.

„Það kom okkur mjög mikið á óvart að þetta væri í ólagi í gær,“ segir Eyþór.

Frétt af mbl.is

Formaður FÁSES spáir Íslandi áfram

Þau eru samt sammála um að æfingin hafi gengið ótrúlega vel þrátt fyrir bilunina. „Núna höfum við allavega prófað að vera á sviðinu þegar eitthvað fer úrskeiðis og vitum hvernig við eigum að komast í gegnum það,“ segir Sigga.

Þau vonast til æfingar dagsins skili þeim einfaldlega betra hljóð í eyrun. „Ef hljóðið er okei, erum við ókei,“ segir Elín.

Hópurinn var spenntur fyrir deginum. mbl.is/Sonja Sif

Vona að Úkraína vinni

Systkin­in segj­ast vera gríðarlega spennt að stíga loks­ins á sviðið í kvöld og flytja lagið fyr­ir Evr­ópu. Að baki séu tveir lang­ir mánuðir af vinnu og það verði gam­an sýna afrakst­ur­inn. Þau senda hlýj­ar kveðjur heim til Íslands.

„Takk fyr­ir að hafa trú á okk­ur og við mun­um halda áfram að gera okk­ar besta. Það eru all­ir bún­ir að sýna okk­ur svo mik­inn stuðning og við erum svo þakk­lát fyr­ir það. Okk­ar fólk heima á Íslandi skipt­ir okk­ur mestu máli. Það skipt­ir okk­ur mestu máli að vera okk­ar fólki til sóma,“ seg­ir Sigga. 

Systkin­in stefna að sjálf­sögðu á að kom­ast áfram í kvöld en þau vona að Úkraína kom­ist áfram „Ég vona að Úkraína vinni Eurovisi­on,“ seg­ir Sigga og öll systkin­in taka und­ir með henni.

„Það er auðvelt að hugsa að all­ir haldi með Úkraínu útaf ástand­inu þar, og auðvitað eru ein­hverj­ir þar. En þeir eru líka með geggjað aðtriði og geggjað lag,“ seg­ir Eyþór. Þau segja að Úkraína muni ekki fá samúðar­at­kvæði frá þeim.

Tengdar fréttir

Eurovision

Birgo: „Þetta hefur alltaf verið markmiðið“

• Fyrstu viðbrögðin við Söngvakeppninni: „Vá!“
• Nýtt fyrirkomulag við val á vinningslagi
• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision

» Fleiri tengdar fréttir

• Blogga um frétt