Systur komu, sáu og sigruðu í undanúrslitum Eurovision í gærkvöldi. Íslandi var ekki spáð góðu gengi og komust þær nokkuð óvænt áfram. Erlendir miðlar fjölluðu um árangur Íslands í gærkvöldi. 

Í umfjöllun BBC kemur fram að það hafi verið óvænt að sjá Systur komast í úrslitin. Kjósendur hafi aftur á móti verið í stuði fyrir róleg lög í ár og rólegar systurnar komist áfram. 

Á danska miðlinum Ekstra Bladet var sett út á danska framlagið sem ekki komst áfram. Var bent á velgengi hinna Norðurlandanna og sérstaklega á Ísland. „Sjáið Ísland. Það var óvænta atriði kvöldsins,“ segir í biturri umfjöllun miðilsins. 

Ísland var þriðja landið sem komst áfram í gærkvöldi. Systur keppa í úrslitum á laugardaginn. Eftir keppnina í gær varð ljóst að þær stíga á svið á seinni hluta kvöldsins.

Danir komust ekki í úrslit. AFP

Tengdar fréttir

Eurovision

Nýtt fyrirkomulag við val á vinningslagi

• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun
• Þekktur sigurvegari Eurovision látinn

» Fleiri tengdar fréttir

• Blogga um frétt