Fimmtug og mætt á Onlyfans

Bandaríska leikkonan Carmen Electra er búin að skrá sig á Onlyfans. Fyrrum Baywatch stjarnan lofar skemmtilegu og framsæknu efni á rásinni sinni sem fór í loftið í gær.

Onlyfans er miðill þar sem fólk getur selt myndir og myndbönd sem það framleiðir á rásum sínum. Margir hafa nýtt miðilinn til að selja klámfengið efni. 

Electra, sem einhverjir lesendur gætu einnig kannast við úr Playboy-tímaritum, varð fimmtug hinn 20. apríl síðastliðinn. Electra var gríðarlega vinsæl á tíunda áratug síðustu aldar en gleymdist svo í nokkur ár. Auk þess sem hún fór með hlutverk í Baywatch þáttunum á árunum 1996 til 1997 sat hún reglulega fyrir á forsíðu Playboy.

Þegar hún kom fram í heimildarmyndinni The Last Dance árið 2020 jukust vinsældir hennar þó mikið en myndin fjallar um feril körfuboltastjörnunnar Michael Jordan. Það vakti athygli að leitað var að nafni hennar mun oftar á klámsíðum eftir að heimildamyndin fór í loftið. 

Electra gaf fylgjendum sínum á Instagram smá sýnishorn af því sem koma skal á Onlyfans fyrr í vikunni. 

• Blogga um frétt