Söngvari Aerosmith í meðferð

Steven Tyler, söngvari hljómsveitarinnar Aerosmith, er búinn að skrá sig í meðferð við áfengis- og fíkniefnavanda. Hljómsveitin hefur í kjölfarið aflýst tónleikum sínum í júní og júlí á meðan Tyler er í meðferð. 

Liðsmenn sveitarinnar greindu frá þessu í færslu á samfélagsmiðlum í gær. 

„Eins og mörg ykkar vita hefur kær bróðir okkar Steven unnið í edrúmennsku sinni í mörg ár. Eftir aðgerð á fæti, til að undirbúa sig fyrir komandi tónleika og verkjastillingu í kjölfarið, féll hann og ákvað að skrá sig sjálfur í meðferð vegna heilsu sinnar,“ segir í tilkynningu frá sveitinni. 

Fyrstu tónleikum sveitarinnar í Las Vegas hefur því verið aflýst en vonast liðsmenn sveitarinnar til þess að geta tekið upp þráðinn í september. 

• Blogga um frétt