Alltaf strákurinn úr Love Actually

Leikarinn Thomas Brodie-Sangster segist ekki geta pirrað sig yfir því að vera alltaf kallaður strákurinn úr Love Actually því þá myndi hann eyða miklum tíma í að vera pirraður. Brodie-Sangster var þrettán ára þegar hann lék í myndinni sem kom út árið 2005 og er nú orðinn 32 ára gamall. 

„Þetta er eitthvað sem ég er mjög stoltur af. Það er magnað að hafa verið í mynd sem er einhvern veginn enn að fá athygli. Henni gekk alveg vel, en var ekki risastór sjónvarpsmynd. Í gegnum árin hefur myndast smá költ í kringum hana,“ sagði leikarinn í viðtali við The Guardian. 

Á þessu ári horfði hann á kvikmyndina í fyrsta skipti síðan hún var frumsýnd á þessum tíma. 

Brodie-Sangster er með eindæmum unglegur maður og hefur alltaf þótt. Hann segir barþjóna hafa neitað að selja honum áfengi langt fram eftir þrítugsaldrinum nema fá að sjá skilríki. Í dag er hann 32 ára. 

Nú fer hann með hlutverk í þáttunum Pistol, sex þátta seríu byggðri á sjálfsævisögu Steve Jones, liðsmanns Sex Pistols.