Bandaríksi leikarinn Kevin Spacey segist munu koma fyrir rétt í Bretlandi sjálfviljugur sé þess krafist. Greint var frá því um helgina að leikarinn hafi verið ákærður fyrir fimm kynferðisbrot í Bretlandi. Upphaflega var talið bandarísk stjórnvöld yrðu að framselja hann til Bretlands svo réttarhöldin gætu farið fram.

Í tilkynningu sem Spacey sendi Good Morning America segist hann vera sannfærður um að hann geti sýnt fram á sakleysi sitt. 

Frétt af mbl.is

Kevin Spacey ákærður fyrir kynferðisbrot

Lögreglan í Bretlandi rannsakar nú fimm mál sem lögð voru fram á árunum 2005 til 2013. 

„Ég er vonsvikin að ákveðið var að halda áfram með málaferlin, en ég mun sjálfvilugur koma fram í Bretlandi, eins fljótt og auðið er og verja mig gegn þessum ásökunum, og ég er sannfærður um að ég geti sannað sakleysi mitt,“ sagði Spacey. 

Tvær ákærurnar snúa að kynferðisbroti gegn karlmanni, sem er nú kominn yfir fertugt, og eiga atvikin að hafa átt sér stað í Lundúnum í mars 2005. Annar karlmaður, sem nú er kominn yfir þrítugt, segir Spacey hafa beitt sig ofbeldi í Lundúnum í ágúst 2008. Þriðji maðurinn segir Specey hafa beitt sig ofbeldi í í Gloucestershire apríl árið 2013. Hann er nú á þrítugsaldri. 

Ákærurnar hafa verið lagðar fram af ákæruvaldinu en í frétt BBC kemur fram að leikarinn hafi í raun ekki verið formlega ákærður þar sem hann er ekki staddur í Bretlandi. Hann verði það hins vegar þegar hann komi til landsins.

Tengdar fréttir

Kevin Spacey

Segja Spacey eiga skilið að snúa aftur til Hollywood

• Kevin Spacey fluttur á spítala
• Spacey heiðraður á Ítalíu
• Neitaði öllum ásökunum
• Neitar ásökunum Rapp

» Fleiri tengdar fréttir

• Blogga um frétt