Leikkonan Amber Heard ætlar að áfrýja dómi í meiðyrðamáli fyrrverandi eiginmanns hennar, leikarans Johnny Depp, gegn henni. Heard var í gær sakfelld í öllum kæruliðum og dæmd til að greiða Depp 15 milljónir bandaríkjadala.

Lögmaður Heard, Elaine Bredehoft, greindi frá ákvörðuninni um áfrýjunina í fjölda spjallþátta í morgun. Þá sagði hún í þættinum Today show að Heard væri algjörlega miður sín.

Frétt af mbl.is

Dómurinn féll Depp í vil

Bredehoft sagði dóminn senda hrikaleg skilaboð. „Þetta er bakslag, verulegt bakslag… nema þú dragir fram símann og takir maka þinn upp að berja þig þá verður þér í raun og veru ekki trúað.“

Spurð hvort að Heard sé fær um að borga bæturnar sagði Bredehoft: „Ó nei, alls ekki.“

Bredehoft gaf einnig til kynna að líklegt væri að kviðdómarar, sem hafði verið skipað að fylgjast ekki með fjölmiðlaumfjöllun, vissu hvað væri að gerast á samfélagsmiðlum en þar hélt yfirgnæfandi meirihluti fólks með Depp.

Almenningur hefur verið í liði með Depp. AFP

Tengdar fréttir

Johnny Depp sakaður um ofbeldi

„Viðbjóðslega illa skrifaður skáldskapur“

• Amber Heard snýr aftur í Aquaman 2
• Depp gefi milljónina
• Heard og Depp ná dómssátt
• Í ástarsambandi með lögmanni sínum

» Fleiri tengdar fréttir

• Blogga um frétt