Engar vinkonur í raunveruleikanum

Vinkonurnar vinsælu Carrie Bradshaw og Samantha Jones úr þáttaröðunum Sex and the City virðast ekki vera miklar vinkonur í raunveruleikanum. Leikkonan Sarah Jessica Parker, sem leikur Carrie Bradshaw hefur opnað sig um erfiðleika milli hennar og mótleikkonu sinnar, Kim Cattrall sem leikur Samantha Jones. 

Catrall, sem var ekki partur af nýrri seríu Sex and the City sem kom út í desember 2021, hefur ekki alltaf farið fögrum orðum um Parker. Fyrir nokkrum árum áttu þær í opinberri deilu eftir að kröfur Cattrall urðu til þess að hætt var við þriðju mynd Sex and the City.

Frétt af mbl.is

Sex and the City aftur á skjáinn án Cattrall

Cattrall segir þær aldrei hafa verið vinkonur. „Mér finnst eins og hún hefði getað verið almennilegri. Ég veit ekki hvert vandamálið hennar er, ég hef aldrei vitað það.“

Nú hefur Parker opnað sig um samband þeirra í podcastinu Awards Chatter. „Það er mjög erfitt að tala um ástandið milli mín og Cattrall vegna þess að ég hef verið svo varkár og aldrei viljað segja neitt sem er óþægilegt,“ sagði Parker. 

„Ég hef eytt mörgum árum í að vinna hörðum höndum að því að vera alltaf almennileg við alla á tökustað, hugsa vel um alla og vera kurteis, bæði við vinnuveitendur mína og fólkið sem mér fannst ég bera ábyrgð á sem framleiðandi þáttanna,“ sagði Parker. „Það er bara enginn annar sem hefur nokkurn tíman talað um mig á þennan hátt.“

• Blogga um frétt