Of­urp­arið Rita Ora og Taika Wai­titi eru sögð hafa trú­lofað sig með óform­leg­um hætti á dög­un­um og séu á fullu að skipu­leggja brúðkaup. 

Sam­kvæmt heim­ild­um fréttamiðils­ins The Sun hyggst parið gifta sig á næstu miss­er­um þegar vinnutörn þeirra er að mestu lokið. „Það er eng­inn hring­ur eða aðrar fyr­ir­hafn­ir,“ er haft eft­ir heim­ild­ar­manni pars­ins. 

„Þetta snýst bara um að þau eru ást­fang­in og hafa ákveðið að nú sé rétti tím­inn til að inn­sigla ást­ina. Þau gætu ekki verið ham­ingju­sam­ari,“ sagði heim­ild­armaður­inn jafn­framt en sam­kvæmt orðum hans bar parið upp bón­orðið á sama tíma.

„Þau sögðu nán­ast sam­tím­is að þau langaði að gift­ast hvort öðru.“ 

Op­in­ber til­kynn­ing um trú­lof­un hef­ur ekki borist frá par­inu en heim­ild­armaður­inn full­yrti að það væru aðeins örfá smá­atriði úti­stand­andi og að það væri ekki langt í brúðkaupið. Parið er sagt vilja hafa brúðkaupið með lág­stemmdri at­höfn á fram­andi slóðum.

Hug­ir Ritu Ora og Taika Wai­titi féllu sam­an í lok árs­ins 2020 en þau gerðu sam­band sitt op­in­bert í mars 2021. Parið hef­ur und­an­farið varið mikl­um tíma sam­an í Ástr­al­íu þar sem það hef­ur dvalið vegna vinnu sinn­ar við ýmis kon­ar verk­efni. Sök­um þess hafi umræður um að festa ráðahag­inn sprottið upp.  

Tengd­ar frétt­ir

Ást

Valentínus­ar-inn­blást­ur frá Aroni Kristni

• Eyþór og Hrefna nýtt par
• Þetta áttu aldrei að segja við mak­ann
• Stjörnup­ar hef­ur slitið trú­lof­un sinni
• Hvaða bresku Love is Blind-pör eru enn sam­an?

» Fleiri tengd­ar frétt­ir

Ný pör

Olga Lilja og Berg­steinn ást­fang­in á árs­hátíð RÚV

• Stein­unn Ólína hef­ur fundið ást­ina
• Eiður Smári og Halla Vil­hjálms sögð vera að stinga nefj­um sam­an
• Joe Frazier og Embla Dröfn eru nýtt par
• Eyþór og Hrefna nýtt par

» Fleiri tengd­ar frétt­ir

• Blogga um frétt