Britney Spears búin að gifta sig

Söngkonan Britney Spears og líkamsræktarþjálfarinn Sam Asghari eru formlega orðin hjón. Parið gifti sig í gær á heimili Spears í Los Angeles en athöfnin fór fram með lágstemmdum hætti og voru aðeins 60 gestir viðstaddir. Þetta er þriðja hjónaband Spears.

Brúðkaupsgestir voru ekki af verri endanum en gestalistinn var stjörnum prýddur. Meðal gesta voru poppdrottningin Madonna, leikkonan Drew Barrymore og hótelerfinginn Paris Hilton. Allar eru þær góðvinkonur Spears. Fjölskylda Spears var ekki viðstödd athöfnina og heldur ekki synir hennar sem hún á með fyrrverandi eiginmanni sínum, Kevin Federline. 

Frétt af mbl.is

Styttist í brúðkaup Britney Spears

Fyrsti eiginmaður Spears, Jason Alexander, réðst inn í hús hennar að morgni brúðkaupsdagsins á meðan það var verið að setja upp athöfnina. Jason Alexander deildi innrásinni í beinni útsendingu á samfélagsmiðlinum Instagram en ekki er vitað hvað honum gekk til með athæfinu. Í kjölfarið var hann handtekinn á staðnum samkvæmt heimildum Yahoo. Spears var aðeins gift Alexander í 55 klukkutíma.  

• Blogga um frétt