Fyrirsætan Hailey Bieber segir að eiginmaður sinn, Justin Bieber sé að verða betri með hverjum deginum, en hann opnaði sig nýlega um sjúkdómsgreiningu á sjaldgæfum taugasjúkdómi, Ramsey Hunt sem veldur útbrotum, eyrnaverkjum og lömun í andliti.

„Honum gengur mjög vel. Honum líður mikið betur en augljóslega var þetta mjög skelfilegt og óvænt að þetta skyldi gerast,“ sagði fyrirsætan í samtali við Good Morning America. Hún segir þau hjónin hafa fengið mikinn stuðning frá aðdáendum þeirra. „Hver einasta manneskja hefur sent góðar kveðjur og ráðleggingar á okkur. Þetta hefur verið alveg ótrúlegt.“

Aðeins þrír mánuðir eru síðan Hailey var sjálf flutt með hraði á sjúkrahús vegna blóðtappa við heila.

„Að fara í gegnum þetta mjög opinberlega fyrir framan fullt af fólki neyðir þig í raun til að vera opinn um hvað er að gerast svo fólk skilji hvað þú ert að ganga í gegnum. Ég held reyndar að það hafi opnað fyrir mörg mikilvæg og mögnuð samtöl,“ segir Hailey. 

Tengdar fréttir

Justin Bieber

Á erfiðum stað andlega

• Eru heitustu hjónin í Hollywood að skilja?
• Gagnrýnir hatur og hótanir í garð Hailey Bieber
• Bieber aflýsir aftur tónleikum
• Þess vegna elskar Mariah Carey jólin

» Fleiri tengdar fréttir

• Blogga um frétt