Rupert Murdoch og Jerry Hall að skilja
Setja bókamerki
Skilnaður er framundan milli viðskiptajöfursins Rupert Murdoch og Jerry Hall, eiginkonu hans, samkvæmt heimildum New York Times.
Rupert Morduch, 91 árs, er eigandi fjölmiðlaveldis, og nær eignarhald hans meðal annars til sjónvarpsstöðvarinnar Fox News, og dagblaðsins The Wall Street Journal. Jerry Hall, 65 ára, er leikkona og fyrirsæta.
Gæti haft áhrif á Fox News, The Sun og Sky News
Það þykir ólíklegt að skilnaðurinn komi til með að hafa teljandi áhrif á eignarhald Murdoch, enda eru öll hlutabréf hans, í þeim fyrirtækjum sem hann hefur stofnað sjálfur, bundin í sjóð fjölskyldunnar, þar sem atkvæðisréttur skiptist milli Murdoch og fjögurra barna hans, þeirra Lachlan, Elizabeth, James og Prudence.
Murdoch hefur búið svo um hnútana að hans atkvæði hafi svo mikið vægi, að ómögulegt sé að taka ákvarðanir gegn hans vilja.
Það gildir þó ekki um eignarhald hans í sjónvarpsstöðvunum Fox News í Bandaríkjunum og Sky News í Ástralíu ásamt breska dagblaðinu The Sun.
Fjórði skilnaðurinn
Murdoch hefur verið giftur þrisvar áður, og því væri um fjórða hjónaskilnaðinn hans að ræða.
Hann skildi við Wendi Deng, frumkvöðul og fjárfesti, árið 2014, eftir fimmtán ára hjónaband. Þar áður hafði hann verið í hjónabandi með fjölmiðlakonu sem ber nafnið Anna Mann, og voru þau gift í rúmlega þrjá áratugi. Patricia Booker var fyrsta eiginkona Murdoch, en þau skildu árið 1965.
Jerry Hall var áður gift söngvaranum Mick Jagger, en þau skildu árið 1999.
Litlar líkur á að hraunið nái til mannvirkja
Drónamyndskeið frá hápunkti gossins í nótt
Dómur þyngdur um þrjú ár
„Má segja að þetta gos hafi þjófstartað“
Fullvissa ferðamenn um að hér sé öruggt
Sólveig Anna furðar sig á aðferðum kennara
Börn hafi engan rétt á leikskólakennslu
Líklega komin á seinni hluta hrinunnar í Svartsengi