Hefur gaman að því að mæta óboðinn í brúðkaup

Stór­leik­ar­inn Tom Hanks út­skýrði hvers vegna hann elsk­ar mæta óboðinn í brúðkaup hjá ókunn­ug­um brúðhjón­um. Hanks var gest­ur í Late Nig­ht Show hjá spjallþáttakóng­in­um Seth Mayers í vik­unni þar sem hann fór öll brúðkaup­in sem hann hef­ur gerst boðflenna í síðustu ár og hafði gam­an að.

„Þetta er mitt óhindraða egó,“ sagði Hanks í hæðni og kitlaði hlát­urtaug­ar áhorf­enda í sjón­varps­saln­um. „Ég get bara ekki annað en hugsað: Hvað myndi þetta fólk vilja meira en nokkuð annað til að toppa stóra­dag­inn sinn? Ó, ég veit. Mig,“ sagði Hanks með miklu tilþrif­um.

Líkt og frægt er orðið hef­ur Tom Hanks gert sig vel­kom­inn í fleiri brúðkaup en flest­ir fara í yfir æv­ina. Það skil­ur eng­inn hvað þetta nú sé með Hanks og brúðkaup­in en flest þeirra brúðhjóna sem hafa fengið nær­veru Tom Hanks í brúðkaups­gjöf hafa verið him­in­lif­andi með þann óvænta glaðning, sam­kvæmt fréttamiðlin­um People.

• Blogga um frétt