Leikkonan Nicola Peltz segir eiginmann sinn, Brooklyn Beckham hafa fundið fyrir mikilli pressu að standa undir fræga nafninu og þóknast fólki með ferli sínum. Í dag hefur hann fundið ástríðu sína í matargerð, en áður hafði hann byrjað feril sem knattspyrnumaður, ljósmyndari og fyrirsæta. 

Brooklyn er frumburður glæsihjónanna David Becham og Victoria Beckham. Hann hefur því verið í sviðsljósinu frá unga aldri. Hann vonaðist fyrst til að verða atvinnumaður í fótbolta líkt og faðir hans, en hann var látinn fara frá Lundúnaliðinu Arsenal áður en hann náði 16 ára aldri. 

Eftir það fór hann á fullt í tískuljósmyndun og fyrirsætustörf. Í kórónuveirufaraldrinum fór hann svo af stað með matreiðsluþættina Cookin' with Brooklyn á Facebook þar sem hann deildi myndskeiðum frá eldhúsinu sínu. Nicola sagði í samtali við Tatler að hún héldi að það væri köllun hans. 

„Þú sérð að þegar Brooklyn er í eldhúsinu, þá er hann í himnaríki. Allt frá því heimsfaraldurinn hófst hefur hann bara viljað tala um að vera í eldhúsinu, svo ég byrjaði að taka hann upp einn daginn. Ég sagði: „Þetta er það sem þú elskar“,“ sagði Nicole. 

Tengdar fréttir

Beckham-fjölskyldan

Sér eftir að hafa stækkað brjóstin

• Beckham-fegðin bara tvö saman í New York
• Kærasta Beckham í íslenskri hönnun í Himalajafjöllum
• Hvar er Rebecca Loos í dag?
• Beckham ætlar að eiga síðasta orðið

» Fleiri tengdar fréttir

• Blogga um frétt