Leikkonan Mary Mara, sem er þekkt fyrir hlutverk sín í þáttum á borð við ER og Law & Order, er látin 61 árs að aldri. Grunur er um að hún hafi drukknað í New York-ánni í Bandaríkjunum.
Samkvæmt heimildum E news fannst Mara látin 26. júní. Dánarorsök hefur ekki enn verið gefin upp, en grunur er um að hún hafi drukknað þegar hún var að synda í St. Lawrance ánni í New York.
Yfirmaður Mara, Craig Dorfman segir hana hafa verið einstaka. „Mara var ein besta leikkona sem ég hef kynnst. Ég sá hana í fyrsta skipti utan Brodway árið 1992 í Mad Forest og hún var mögnuð. Hún var einstök, ótrúlega fyndin og yndisleg kona sem verður sárt saknað.“
Á ferli sínum gegndi Mara hlutverki Loretta Sweet í þáttunum ER frá árinu 1995 til 1996. Þar að auki fór hún með hlutverk í þáttunum NYPD Blue, Dexter og Hope & Gloria. Hún lék einnig í kvikmyndunum Blue Steel, True Colors og Mr. Saturday Night.