Jerry Hall sækir um skilnað við Rupert Murdoch

Jerry Hall, fyrirsæta og leikkona, hefur sótt um lögskilnað við viðskiptajöfurinn Rupert Murdoch fyrir dómara í Kaliforníu í Bandaríkjunum. Frá þessu er greint á BBC.

Frétt af mbl.is

Rupert Murdoch og Jerry Hall að skilja

Í forminu sem Hall skilaði inn til dómara voru ástæðurnar sagðar óleysanlegur ágreiningur. 

Hall, sem er 66 ára, fer fram á áframhaldandi greiðslur frá Murdoch, sem er 91 árs gamall. Hall var áður í sambandi með Mick Jagger í hljómsveitinni Rolling Stones. 

Skilnaðurinn verður sá fjórði sem Murdoch mun ganga í gegnum. Greint er frá því í bandarískum miðlum að skilnaðurinn hafi komið nákomnum vinum og ættingjum hjónanna á óvart. 

• Blogga um frétt