Útskrifaður úr meðferð

Steven Tyler, aðalsöngvari hljómsveitarinnar Aerosmith, er útskrifaður úr meðferð. Samkvæmt talsmanni sveitarinnar gekk allt vel hjá Tyler.

Frétt af mbl.is

Söngvari Aerosmith í meðferð

Greint var frá því í lok maí að Aerosmith neyddist til að fresta tónleikum sínum í Las Vegas vegna þess að Tyler þyrfti að fara í meðferð. Hann hafi fallið eftir áralanga edrúmennsku þegar hann fékk sterk verkjalyf uppáskrifuð vegna aðgerðar sem hann var í. 

Tyler fór sjálfviljugur í meðferð og var lengur en 30 daga í henni. 

„Það gengur mjög vel hjá honum og hann hlakkar til þess að stíga aftur á sviðið,“ sagði talsmaður hljómsveitarinnar við People. 

Hljómsveitin þurfti að fresta tónleikum sem fyrirhugaðir voru í júní og júlí en stefna á að halda sig við dagsetningar í september.

• Blogga um frétt