Stjörnurnar minnast Caan

Kvik­mynda­stjörn­urn­ar Al Pac­ino og Robert De Niro auk kvik­mynda­gerðar­manns­ins Franc­is Ford Coppola minnt­ust vin­ar síns, leik­ar­ans James Caan, í gær. Greint var frá and­láti hans í gær, en hann lést á miðviku­dag 85 ára að aldri. 

Frétt af mbl.is

James Caan lát­inn

Þeir Pac­ino og Caan fóru með hlut­verk bræðranna Michael og Sonny Cor­leo­ne í fyrstu Guðföður kvik­mynd­inni sem Ford Coppola leik­stýrði. Leik­stjór­inn sagði að vinna Ca­ans myndi aldrei gleym­ast og Pac­ino sagði hann hafa verið magnaðan leik­ara og góðan vin. 

James Caan. AFP

De Niro sagðist hafa orðið veru­lega leiður þegar hann heyrði af and­láti vin­ar síns. 

Kvik­mynda­gerðarmaður­inn Michael Mann, sem leik­stýrði Caan í kvik­mynd­inni Thi­ef sem kom út árið 1981, sagði í til­kynn­ingu að Cann hafi verið magnaður leik­ari og að hann hafi verið hon­um harmdauði. 

Auk þess að hafa farið með hlut­verk í fyrstu mynd Guðföðurs þríleiks­ins muna yngri kyn­slóðir eft­ir Caan í kvik­mynd­inni Álfur ásamt Will Fer­rell og fór þar með hlut­verk pabba per­sónu Fer­rell. 

• Blogga um frétt