Höfundur þemalags James Bond látinn

Tón­skáldið Monty Norm­an er lát­inn 94 ára að aldri. Norm­an var höf­und­ur þema­lags James Bond kvik­mynd­anna. BBC grein­ir frá.

Þema­lagið samdi Norm­an fyr­ir kvik­mynd­ina Dr. No sem kom út árið 1962 og var það notað í gegn­um alla serí­una. Fram­leiðandi Bond kvik­mynd­anna Cubby Broccoli bað Norm­an um að semja lagið á sín­um tíma eft­ir að hafa heill­ast af fyrri tónlist hans í söng­leikj­um. 

Norm­an samdi einnig lagið Und­er­ne­ath the Mano Tree sem er notað í Dr. No kvik­mynd­inni. 

Hann var af ætt­um inn­flytj­enda frá Lett­landi en ólst upp í Lund­ún­um. Móðir hans gaf hon­um hans fyrsta gít­ar þegar hann var 16 ára gam­all. Auk þess að semja tónlist fyr­ir kvik­mynd­ir samdi hann einnig tónlist fyr­ir söng­leiki sem sýnd­ir voru á West End. 

• Blogga um frétt