Metaðsókn á Kótelettuna

Metaðsókn var á Kótelett­una um helg­ina en hátíðin var hald­in í 12 skipti. Um tíu þúsund manns komu á Stóru grill­sýn­ing­una á laug­ar­deg­in­um og um fjög­ur þúsund gest­ir mættu á tón­list­ar­hátíðina þar sem fjöldi þekktra tón­list­ar­manna spilaði. Hátíðin heppnaðist mjög vel að sögn Ein­ars Björns­son­ar, fram­kvæmda­stjóra Kótelett­unn­ar.

„Kótelett­an fór vel fram að vanda og við erum afar ánægð með hvernig til tókst um helg­ina. Gest­ir skemmtu sér vel og friðsam­lega og voru til fyr­ir­mynd­ar upp til hópa þrátt fyr­ir að veðurguðirn­ir hafi ekki verið upp á sitt besta,“ er haft eft­ir Ein­ari í til­kynn­ingu. 

Hann hef­ur stýrt Kótelett­unni öll 12 árin.

Þekkt­ir Íslend­ing­ar grilluðu kótelett­ur fyr­ir gesti hátíðar­inn­ar og all­ur ágoði af söl­unni rann til Styrkt­ar­fé­lags krabba­meins­sjúkra barna. Stóra grill­sýn­ing­in gekk von­um fram­ar að sögn Ein­ars þar sem mik­ill fjöldi kom og kynnti sér allt á grillið þrátt fyr­ir smá sudda. Grillpylsa árs­ins var val­in chedd­ar, jalapeno og bei­kon pylsa frá Ali en dóm­nefnd var skipuð þekkt­um mat­gæðing­um m.a. þeim Hrefnu Sætr­an, lækn­in­um í eld­hús­inu og BBQ kóng­in­um.

• Blogga um frétt