Skilin eftir orðróm um framhjáhald

Fyrirsætan Emily Ratajkowski og Sebastian Bear-McClard eru skilin eftir fjögurra ára hjónaband. Þau giftu sig árið 2018, en þá höfðu þau einungis verið saman í nokkrar vikur. Ratajkowski og Bear-McClard eiga saman eins árs dótturina Sylvester Appolo. 

Samkvæmt heimildarmanni People er stutt síðan þau hættu saman og var það ákvörðun Ratajkowski sem ætlar að sækja um skilnað. 

Sögusagnir um mögulegan skilnað þeirra fóru af stað í síðustu viku eftir að fyrirsætan sást án giftingahringsins á nokkrum myndum. Þá fór einnig af stað orðrómur um mögulegt framhjáhald Bear-McClard og sagði heimildarmaður Page Six að hann hefði ítrekað haldið framhjá Ratajkowski, en það hefur þó ekki verið staðfest. 

• Blogga um frétt