Harry Bretaprins og Meghan hertogaynja af Sussex fóru út að borða með vinum á mánudagskvöldið í New York borg. Hjónin, sem vanalega forðast blaðaljósmyndara og sviðsljósið, brostu til ljósmyndara þegar þau gengu út af ítalska veitingastaðnum Locanda Verde á Manhattan. 

Fyrr um daginn höfðu þau verið í höfuðstöðvum Sameinuðu þjóðanna í borginni þar sem Harry flutti ræðu í tilefni af Nelson Mandela deginum sem fagnað var vestanhafs hinn 18. júlí. 

Þar voru þau hjónin einnig mynduð í bak og fyrir en þetta var í fyrsta skipti sem hjónin sjást opinberlega síðan í byrjun júní á valdaafmæli drottningarinnar. 

Í hádeginu á mánudag snæddi Meghan einnig með bandaríska blaðamanninum Gloriu Steinem og náðust myndir af þeim ganga hönd í hönd. 

Tengdar fréttir

Kóngafólk

Forréttindi að þurfa ekki að kveðja móður sína

• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi
• Fer fögrum orðum um eiginkonuna

» Fleiri tengdar fréttir

• Blogga um frétt