Leikkonan Amber Heard hefur áfrýjað dómnum í meiðyrðamálinu sem hún tapað fyrir fyrrverandi eiginmanni sínum, leikaranum Johnny Depp. Dómurinn var kveðinn upp 1. júní og var henni gert að greiða Depp 10 milljónir bandaríkjadala til hans í skaðabætur. 

Lögmenn leikkonunnar greindu frá þessu í gær. 

„Við teljum að dómstóllinn hafi gert mistök sem orsakaði það að málið var ekki tekið fyrir með réttmætum og sanngjörnum hætti og brjóti gegn fyrstu viðbót stjórnarskrárinnar,“ sagði talsmaður á vegum leikkonunnar en fyrsta viðbótin snýr að tjáningarfrelsinu. 

„Við gerum okkur grein fyrir að þetta mun kveikja bál á Twitter, en þetta eru skref sem við verðum að stíga til að tryggja bæði sanngirni og réttlæti,“ sagði í tilkynningu lögmanna Heard og vísa þar til þeirrar meðferðar sem skjólstæðingur þeirra hlaut á samfélagsmiðlum á meðan réttarhöldin fóru fram í apríl og maí. 

Depp höfðaði mál gegn fyrrverandi eiginkonu sinni vegna skoðanagreinar sem hún skrifaði í Washington Post árið 2018. Þar lýsti hún sjálfri sér sem þolanda heimilisofbeldis en nafngreindi ekki Depp. 

Heard höfðaði mál gegn honum á móti og vann í einum kærulið og var Depp gert að greiða henni tvær milljónir bandaríkjadala. 

Lögmenn Heard hafa áður reynt að biðla til dómarans í málinu, Penney Azcarate, að ómerkja réttarhöldin á þeim grundvelli að einn kviðdómara var ekki sá sem hann sagðist vera. Azcarate synjaði þeirri ósk. 

Tengdar fréttir

Johnny Depp sakaður um ofbeldi

„Viðbjóðslega illa skrifaður skáldskapur“

• Amber Heard snýr aftur í Aquaman 2
• Depp gefi milljónina
• Heard og Depp ná dómssátt
• Í ástarsambandi með lögmanni sínum

» Fleiri tengdar fréttir

• Blogga um frétt