Er ekki látinn

Óvart var greint frá andláti Leave it to Beaver stjörnunnar Tony Dow í gær, þriðjudag. Dow er ekki látinn en er á líknandi meðferð að því er fram kemur í frétt TMZ. 

Eiginkona hans, Lauren Shulkind, greindi umboðsmanni hans að hann væri látinn fyrir mistök en hún er sögð hafa verið í miklu uppnámi yfir ástandi hans, og talið að búið væri að úrskurða hann látinn. Leikarinn, sem þekktur er fyrir að túlka Wally Cleaver, er hins vegar enn á lífi.

Sonur þeirra sagði í samtali við TMZ að hann væri heima, á líknandi meðferð og ætti ekki langt eftir.

Greint var frá andláti hans á Facebook-síðu hans, en þeirri færslu hefur nú verið eytt. 

Dow og Shulkind sögðu frá því í maí á þessu ári að hann hefði greinst með krabbamein. Hann er 77 ára að aldri.

• Blogga um frétt