Fór á barinn í fyrsta sinn
Setja bókamerki
Hin fertuga söngkona Britney Spears fór á bar í fyrsta skipti á dögunum. Tók Spears viðburðinn upp og sýndi fylgjendum sínum á Instagram.
„Þetta er í fyrsta skipti sem ég kem á bar. Fyrsta skipti. Mér líður svo fínni, svo fágaðri,“ sagði Spears. Spears var í fylgd með aðstoðarmanni sínum og var með stór sólgleraugu til að hylja andlit sitt.
„Við erum að fá okkur smá drykk,“ sagði aðstoðarmaðurinn Victoria Asher.
„Svo glöð að þau tóku rétt minn til að fá mér kokteil frá mér í þrettán ár. Svo þakklát,“ skrifaði Spears í kaldhæðnistón undir myndbandið.
Greint hefur verið frá því að fjölskylda Spears passaði upp á að halda henni frá áfengi. Árið 2018 var til dæmis greint frá því að teymi hennar bannaði áfenga drykki baksviðs á tónleikum hjá henni.
Þá kom einnig fram í samningum um lögráðamann hennar, sem þá var faðir hennar Jamie Spears, að hún mætti ekki undir neinum kringumstæðum drekka áfenga drykki. Spears sjálf hefur einnig sagt að faðir hennar hafi látið hana taka fíkniefnapróf nokkrum sinnum í viku á tímabili.
Spá 13-18 stiga frosti í borginni
Rúta með yfir 20 farþegum fór út af vegi
KEF Spa: „Eitthvað sem þú hefur ekki séð áður“
Taka upp grímuskyldu á Landspítalanum
Búið að opna Hellisheiði
Æskuvinir sem fóru í víninnflutning frá Georgíu
Éljagangur en síðan slydda eða rigning
Fuglager í Grindavík: „Þetta var bara pínu magnað“