Breski leikarinn Jamie Campbell Bower, sem fer með hlutverk Vecna í fjórðu þáttaröð Stranger Things á Netflix, hefur verið edrú í sjö og hálft ár. Bower opnaði sig um baráttu sína við fíknina og geðheilsu sína á Twitter í vikunni. 

„Fyrir tólf og hálfu ári var ég virkur fíkill. Ég skaðaði sjálfan mig og fólkið í kringum mig sem ég elskaði mest. Það varð svo slæmt að ég lenti á spítala vegna andlegrar heilsu minnar. Ég er núna búinn að vera edrú í sjö og hálft ár,“ skrifaði Bower. 

Bower skaust hratt upp á stjörnuhiminn í sumar þegar fjórða þáttaröð Stranger Things kom út. Í öðru tísti viðurkennir hann að hann hafi gert mörg mistök en að hann líti á hvern dag sem nýja byrjun og tækifæri til að vaxa. 

„Ég er svo þakklátur fyrir staðinn sem ég er á, ég er svo þakklátur fyrir að vera edrú. Ég er svo þakklátur fyrir að vera. Munið, við erum öll verk í vinnslu,“ skrifaði leikarinn að lokum. 

Tengdar fréttir

Edrúland

„Það var aldrei planið að fara þessa leið en sem betur fer gerði ég það“

• „Þau skutluðu mér í Konukot og þar tók ég út fráhvörfin“
• Herra Hnetusmjör fagnar átta árum edrú
• Patrekur Jaime edrú í eitt ár
• „Ég var vel virkur alkóhólisti“

» Fleiri tengdar fréttir

• Blogga um frétt