Langþráð Þjóðhátíð í Vestmannaeyjum var haldin um helgina eftir þriggja ára bið og því má ætla að eftirvæntingin fyrir því að komast í Herjólfsdalinn hafi verið óvenjumikil í ár.

Talið er að um fimmtán þúsund hafi verið komin saman til þess að syngja og hafa gaman þegar sungið var í brekkunni á sunnudeginum. Er erfitt að ímynda sér að svo mikill fjöldi hafi komið saman síðan árið 2019.

Magnús Kjartan Eyjólfsson leiddi brekkusöng í annað skipti en í fyrsta skipti fyrir fullri brekku, en frægt er orðið þegar hann söng fyrir tómri brekku í fyrra eftir að hátíðinni var aflýst með minna en viku fyrirvara.

Myndir segja meira en þúsund orð: