Anne Heche alvarlega slösuð eftir bílslys

Leikkonan Anne Heche er í lífshættu eftir að hafa slasast alvarlega í bílslysi í gær.

Heche hafði verið að keyra á miklum hraða í Mar Vista-hverfinu í Los Angeles í Bandaríkjunum þegar bifreiðin fór út af veginum og klessti á hús með þeim afleiðingum að það kviknaði bæði í bílnum og húsinu. CNN greinir frá.

Leikkonan hlaut alvarleg brunasár og var flutt með sjúkrabíl á sjúkrahús í Los Angeles.

Það tók slökkviliðsmennina um klukkutíma að ná tökum á eldinum og var húsið stórskemmt. Ekki var tilkynnt um aðra slasaða einstaklinga.

Heche er m.a. þekkt fyrir hlutverk sín í Kvikmyndunum Donnie Brasco, Six Days Seven Nights og Wag the Dog. Þá hefur hún einnig komið fram í þáttunum The Brave, Quantico og Chicago P.D.

• Blogga um frétt