Hefur ekki enn vaknað eftir slysið

Leikkonan Anne Heche er ekki enn vöknuð eftir að hún lenti í bílslysi á föstudag. Talsmaður leikkonunnar sagði við fjölmiðla í gær, mánudag, að ástand hennar væri enn alvarlegt og að hún hefði legið í dái síðan á föstudag.

Talsmaður hennar sagði hana hafa hlotið verulegan skaða á lungum og því þyrfti hún að vera í öndunarvél. Þá lægi fyrir að hún þyrfti að fara í skurðaðgerð vegna brunasára sem hún hlaut.

Frétt af mbl.is

Anne Heche alvarlega slösuð eftir bílslys

Greint var frá slysinu a föstudag. Heche hafði þá keyrt á miklum hraða í Mar Vista-hverfinu í Los Angeles í Bandaríkjunum þegar bifreið hennar fór út af veginum og lenti á húsi með þeim afleiðingum að það kviknaði bæði í bílnum og húsinu. 

Heche er grunuð um að hafa ekið undir áhrifum áfengis eða fíkniefna og hefur lögreglan í Los Angeles fengið heimild til að kanna blóð hennar.

Leikkonan er þekktust fyrir leik sinn í Six Days and Seven Nights, The Vanished, Quantico og Chicago PD. Hún er einnig fyrrverandi maki þáttastjórnandans Ellen DeGeneres. 

Frétt af mbl.is

Heche sögð eiga langan bata framundan

AFP

• Blogga um frétt