Ekki hugað líf

Læknar gera ekki ráð fyrir að bandaríska leikkonan Anne Heche muni lifa af slysið sem hún lenti í á föstudag fyrir viku. Fjölskylda hennar greinir frá þessu en leikkonan liggur enn í dái eftir slysið. Hún hlaut mikinn súrefnisskort sem olli alvarlegum heilaskaða.

Frétt af mbl.is

Anne Heche alvarlega slösuð eftir bílslys

Fjölskyldan þakkaði fyrir þann hlýhug sem þeim hefur verið sýndur undanfarnar vikur og þakkaði læknum og hjúkrunarfræðingum á sjúkrahúsinu fyrir vinnu þeirra. 

Heche ók bifreið sinni inn í tveggja hæða hús á mikilli ferð í Los Angeles í Bandaríkjunum á föstudag í síðustu viku. Hún er grunuðu um að hafa ekið undir áhrifum áfengis eða fíkniefna en frumniðurstöður blóðrannsóknar sýna að hún var undir áhrifum lyfja, þó eigi eftir að gera frekar rannsóknir til að útiloka lyf sem hún fékk við komuna á sjúkrahús. 

Leik­kon­an er þekkt­ust fyr­ir leik sinn í Six Days and Seven Nig­hts, The Van­is­hed, Quantico og Chicago PD. Hún er einnig fyrr­ver­andi maki þátta­stjórn­and­ans Ell­en De­Gen­eres.

• Blogga um frétt