Sakfelldur fyrir að brjótast inn í hús Spears

Fyrrverandi eiginmaður söngkonunnar Britney Spears hefur verið sakfelldur fyrir að hafa brotist inn í hús Spears að morgni brúðkaups­dags­ hennar í júní á meðan verið var að undirbúa athöfnina. 

Frétt af mbl.is

Britney Spears búin að gifta sig

ABC News greinir frá því að Jason Alexander hafi verið dæmdur í 64 daga fangelsi, en hann hefur nú þegar setið inni í þann tíma og er því nú frjáls ferða sinna. 

Spears giftist lík­ams­rækt­arþjálf­ar­anum, Sam Asghari, þann 9. júní en þetta er þriðja hjóna­band Spe­ars. Alexander var fyrsti eiginmaður hennar en þau voru einungis gift í 55 klukkustundir árið 2004.

Er Alexander braust inn í hús Spears í júní læsti hann sig í svefnherbergi söngkonunnar er hún var að undirbúa sig fyrir brúðkaupið. Hann deildi inn­rás­inni í beinni út­send­ingu á sam­fé­lags­miðlin­um In­sta­gram. Alexander neitaði að yfirgefa húsið og réðst á öryggisvörð ásamt því að eyðileggja hurð.

Dómari úrskurðaði Alexander í nálgunarbann svo hann má ekki koma nærri Spears né öryggisverði hennar.

• Blogga um frétt