Hættur að mæta vegna kvíðans

Bandaríski leikarinn Jonah Hill eyddi Instagram-reikningum sínum og greindi frá því að hann muni ekki mæta á fjölmiðla tengda viðburði lengur. Hann hefur verið að glíma við mikinn kvíða og kvíðaköst í 20 ár. 

„Ég er búinn að átta mig á því að ég er búinn að upplifa kvíðaköst í 20 ár sem hafa versnað við það að hitta fjölmiðla og vera áberandi á viðburðum. Ég hef gert mig veikari með því að mæta og stuðla að þessari athygli. Ég ætla að hætta að gera það. Það er ekki rétt fyrir mig eða þær myndir sem ég leik í. Ég vona að það að ég sé að opna mig fái annað fólk til að tala um þeirra líðan og sætta sig við að það er allt í lagi að gera ekki allt,“ skrifaði hann í tilkynningu sem hann sendi á Deadline.

Frétt af mbl.is

Hitnar í kolunum hjá Hill á Havaí

Hann mætti síðast á rauða dregilinn á frumsýningu Netflix myndarinnar Don't Look Up í desember 2021. Það er að koma út heimildarmynd með nafninu Stutz þar sem Hill opnar sig um andleg veikindi sín.

Jonah Hill og Sarah Brady á frumsýningunni í desember. AFP

• Blogga um frétt