Styðja forsætisráðherrann í dansi

Fjöldi finnskra kvenna hefur á undanförnum dögum birt myndbönd af sér að dansa á djamminu. Birta þær myndböndin til að sýna samstöðu með Sönnu Marin, forsætisráðherra Finnlands, sem gagnrýnd hefur verið harðlega eftir að tvö myndbönd af henni að dansa í einkasamkvæmi voru birt í fjölmiðlum.

Með myndböndunum skrifa konur: „Samstaða með Sönnu“.

Myndböndin af Marin birtust í fjölmiðlum í síðustu viku og tók hún í kjölfarið fíkniefnapróf, eftir að andstæðingur hennar í pólitíkinni fór fram á það. Hefur hún neitað því staðfastlega að hafa neytt nokkurra fíkniefna þegar myndböndin voru tekin. Myndböndin séu frá kvöldi sem hafi einkennst af dansi, gleði, faðmlögum og áfengisdrykkju. 

Frétt af mbl.is

Tók fíkniefnapróf í dag

• 1 blogg um fréttina

Bloggað um fréttina

• Ingólfur Sigurðsson: Sanna hin finnska og Katrín okkar, og svo Trump og …