Leikarinn Jacob Elordi og Youtube-stjarnan Olivia Jade Giannulli eru sögð vera hætt saman, en orðrómur um ástarsamband þeirra hófst í desember 2021 eftir að þau sáust á stefnumóti í Los Angeles, Bandaríkjunum.
Elordi skaust upp á stjörnuhiminninn eftir leik sinn í þáttaröðum Euphoria og kvikmyndunum The Kissing Booth. Hann var áður með fyrirsætunni Kaia Gerber, en þau hættu saman í nóvember 2021 eftir rúmlega árs samband.
Gianulli hefur notið mikilla vinsælda á Youtube og Instagram, en hún er dóttir hönnuðarins Mossimo Giannulli og leikkonunnar Lori Loughlin. Foreldrar hennar sátu inni á síðasta og þar síðasta ári fyrir að greiða veg dætra sinna að betri háskóla. Að sögn heimildarmanns Us Weekly er Gianulli nú „einhleyp og skemmtir sér“ á meðan Elordi er sagður einbeita sér að ferli sínum.