Gagnrýnd en samt á toppnum

Hlaðvarpsþátturinn Archetypes, í stjórn Meghan hertogaynju af Sussex, var vinsælasti hlaðvarpsþátturinn á Spotify í Bandaríkjunum í gær. Náði hún þeim merka áfanga að vera vinsælli en þáttur Joes Rogan sem setið hefur á toppnum um langa hríð. 

Þátturinn hefur verið gagnrýndur harðlega og í Bretlandi var Meghan sérstaklega gagnrýnd. Meghan er gift Harry Bretaprins. 

Frétt af mbl.is

Fær slæma útreið í breskum fjölmiðlum

Í þættinum spjallaði Meghan við tennisstjörnuna Serenu Williams og stefnir á að tala við fleiri konur á næstu vikum. 

Þátturinn var ekki bara sá vinsælasti á streymisveitunni í bandaríkjunum heldur líka í Ástralíu, Kanada, Írlandi og Bretlandi. Þátturinn kemst ekki á topplistann á Íslandi þar sem Vera Illugadóttir ræður ríkjum með þátt sinn Í ljósi sögunnar.

• Blogga um frétt