Rússneski listahópurinn Pussy Riot er á leið til landsins í nóvember á þessu ári. Verður hópurinn með leiksýningu, listgjörning og tónleika í Þjóðleikhúsinu.
Sýningin er skipulög í samhengi við fyrstu yfirlitssýningu Pussy Riot sem opnar í Kling & Bang í sama mánuði.
Sýningin var að hluta til æfð og þróuð í Þjóðleikhúsinu nú á vordögum rétt eftir að Masha Alyokhina forsprakki hópsins kom sér hingað undan klóm rússnesks óréttlætis.
„Ef einhverjir listamenn hafa gefið allt fyrir listina þá eru það þessir töffarar. Þungamiðjan í sýningunni er saga Möshu og lýsing hennar á helvítinu sem Rússland Pútins er. Glerhörð kvöldstund sem kýlir beint í magann og á sér í alvöru talað engan sinn líka,“ segir Ragnar Kjartansson um sýninguna í tilkynningu frá Þjóðleikhúsinu.