Love Island-stjarna djammaði með íslenskum konum

Tvær íslenskar konur sáust stíga upp í leigubíl með einum af sigurvegara raunveruleikaþáttanna Love Island, Davide Sanclimenti, í London á Bretlandi á laugardagskvöld. Sun greinir frá og segir konurnar vera Matthildi Ylfu Þorsteinsdóttur og Anítu Gunnarsdóttur. 

Davide og þær Matthildur og Aníta sáust fara upp í leigubíl með honum eftir að bardagakeppni lauk í O2 í London. Annar karlmaður fór með þeim og er talið að hann sé vinur Davide. 

Í umfjöllun Sun er tekið fram að kærasta Davide, Ekin-Su, væri stödd í útlöndum um þessar mundir. Parið vann Love Island þáttaröðina nú í sumar og hefur notið mikilla vinsælda.

Blaðið segir að ekkert gefi til kynna að nokkuð ósæmilegt hafi átt sér stað, en umboðsmenn Davide og Ekin-Su vildu ekki tjá sig um málið. 

Frétt af mbl.is

Fá átta milljónir í verðlaunafé

• Blogga um frétt