Grínistinn Chris Rock segist hafa hafnað boði um að vera kynnir á Óskarsverðlaunahátíðinni á næsta ári. Þetta kom fram í uppistandi sem Rock hélt í Arizona, Bandaríkjunum síðustu helgi.

Fæstir hafa gleymt löðrungnum fræga sem leikarinn Will Smith gaf Chris Rock á Óskarsverðlaunahátíðinni í mars. Á vef Arizona Republic kemur fram að í uppistandinu hafi Rock sagt endurkomu sem kynnir á Óskarsverðlaununum vera eins og að snúa aftur á vettvang glæps.

Frétt af mbl.is

Fór upp á svið og sló Rock

Rock var einnig kynnir á hátíðinni árin 2005 og 2016, en hann segir löðrunginn hafa haft mikil áhrif á sig og hann hafi hafnað boði um að koma fram í Super Bowl auglýsingu í kjölfar löðrungsins. Það er því ljóst að Rock þarf lengri tíma til að jafna sig áður en hann snýr aftur á svið sem kynnir. 

Tengdar fréttir

Óskarsverðlaunin

Nýr kynnir kynntur til leiks

• Gosling líkt við Marilyn Monroe
• Sýna ógnvekjandi hversdagsleika nasista
• Stórstjörnurnar mættu með eins fylgihlut
• Mættu í Óskarspartí þremur mánuðum eftir skilnaðarfréttir

» Fleiri tengdar fréttir

• Blogga um frétt