Kjólafans og freyðivín á Húsavík

Yfir 100 konur og karlar á öllum aldri á Húsavík klæddu sig upp í sína fínustu kjóla á fimmtudag og hlupu til styrktar Velferðarsjóðs Þingeyinga. Alls söfnuðust 172 þúsund krónur í hlaupinu. 

Klúbbur sem kallar sog Dömur stóðu fyrir hlaupinu og í samtali við mbl.is segjast þær vera ótrúlega þakklátar fyrir góða þátttöku sem var langt umfram væntingar. 

Þau sem taka vildu þátt í hlaupinu, sem fól í sér að hlaupa rúma tvo kílómetra um bæinn og drekka freyðivín á leiðinni, þurftu að mæta í kjól og koma með glas. Miðinn í hlaupið kostaði 1.500 krónur en styrktaraðilar hlaupsins voru Piccini Prosecco, Ölgerðin, Lemon Húsavík og Sjóböðin Húsavík. 

Dömur segja að hlaupið verið án efa haldið aftur að ári.