Bieber aflýsir tónleikum sökum heilsu

Tónlistarmaðurinn Justin Bieber hefur ákveðið að láta af tónleikaferðalagi sínu, „Justice“, heilsu sinnar vegna, en tónlistarmaðurinn greindi frá því á dögunum að hann hafi greinst með Ramsay Hunt sjúkdóminn. Um er að ræða taugahúðsjúkdóm sem veldur útborgum, eyrnaverkjum og lömun í andliti.

Bieber, sem þurfti að fresta framangreindu tónleikaferðalagi fyrr í júní, hafði ákveðið að þrjóskast áfram með tónleikaferðalagið. En eftir að hafa troðið upp á Rock in Rio í Brasilíu varð honum ljóst að hann hafði ekki þrek í að halda áfram og hefur því ákveðið að aflýsa umræddu tónleikaferðalagi.

Frétt af mbl.is

Justin Bieber með sjaldgæfan taugasjúkdóm

„Síðustu helgi hélt ég tónleika á Rock in Rio þar sem ég gaf mig allan fram fyrir fólkið í Brasilíu. Eftir að ég fór af sviðiun tók þreytan yfir og ég átti mig á því að ég þyrfti að setja heilsu mína í forgang núna,“ segir Bieber.

„Ég ætla þess vegna að taka mér pásu frá tónleikaferðalögum í bili. Ég mun vera í lagi, en ég þarf tíma til að hvílast og til að ná mér að fullu.“

Tónleikum stórstjörnunnar hefur verið frestað um óákveðinn tíma.

• Blogga um frétt