Vildi ekki leika í kynlífssenum með Styles

Leikkonan Florence Pugh virðist vera allt annað en sátt við framgang kvikmyndarinnar Don't Worry Darling í leikstjórn Olivia Wilde, en hún fer með aðalhlutverk myndarinnar ásamt Harry Styles. Dramatíkin á bak við tjöldin hefur verið á hæsta stigi og virðist deilur leikarahópsins vera meira grípandi en söguþráður kvikmyndarinnar. 

Upphaflega var leikarinn Shia LaBeouf ráðinn í aðalhlutverkið, en honum var síðar skipt út fyrir stórstjörnuna Harry Styles og í kjölfarið kviknuðu neistar milli Styles og Wilde. Á sama tíma var Wilde að skilja við fyrrverandi eiginmann sinn Jason Sudekisis, en samkvæmt heimildum Daily Mail er samband þeirra sagt hafa valdið Pugh mikilli reiði.

Frétt af mbl.is

„Ég var ekki rekinn, ég hætti“

Enn bættist í dramað þegar Pugh komst að því að Styles, sem hafði einungis leikið í einni kvikmynd áður, þénaði meira en hún. Þá hefur hún neitað að mæta í viðtöl fyrir kvikmyndina og er sögð verulega ósátt yfir því að þurfa að leika í kynlífssenum með Styles. 

• Blogga um frétt