Harry Bretaprins og Meghan hertogaynja af Sussex eru á leið til Balmoral-kastala í Skotlandi. Heilsu Elísabetar II. Bretadrottningar hefur hrakað mikið þessa vikuna og er hún nú undir stöðugu eftirliti lækna. Harry er yngri sonur Karls Bretaprins.

Talsmaður Harry og Meghan staðfesti að þau væru á leið norður til Skotlands, en hjónin voru stödd í Bretlandi vegna vinnu. Þau eru annars búsett í Kaliforníu í Bandaríkjunum með börnum sínum tveimur. Börn þeirra, Archie og Lilibet, eru heima í Bandaríkjunum. 

Frétt af mbl.is

Læknar fylgjast með líðan drottningarinnar

Buckingham-höll sendi frá sér tilkynningu í morgun um slæmt heilsufar drottningarinnar en slík tilkynning frá höllinni þykir nokkuð óvanaleg. 

Katrín ein eftir heima

Anna prinsessa, dóttir drottningarnar, var þá þegar stödd í Bretlandi en Andrés Bretaprins og Játvarður Bretaprins komu þangað í morgun. 

Karl Bretaprins, elsti sonur drottningarinnar og ríkisarftaki, kom til Skotlands í morgun ásamt eiginkonu sinni Kamillu hertogaynju af Cornwall. Vilhjálmur Bretaprins, eldri sonur Karls, er einnig á leið til Balmoral-kastala. 

Eiginkona Vilhjálms, Katrín hertogaynja af Cambrigde, er heima í Adelai­de Cotta­ge, í grennd við Windsor-kastala, en börn þeirra þrjú, Georg, Karlotta og Lúðvík, byrjuðu í nýjum skóla í morgun. 

Tengdar fréttir

Kóngafólk

Beatrice prinsessa orðin tveggja barna móðir

• Forréttindi að þurfa ekki að kveðja móður sína
• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi

» Fleiri tengdar fréttir

Elísabet II. Bretadrottning

Vilhjálmur prins blés kjarki í enska landsliðið

• Jarðarförin kostaði ríkið 28 milljarða
• Fagnaði 63 árum með hundum Elísabetar
• Upplýst um dánarorsök drottningar
• Hvíla saman í Windsor

» Fleiri tengdar fréttir

• Blogga um frétt